Is numerus de is bancas in Sardinnia.

S'ABI (Associazione Bancaria Italiana) de sa Sardinnia, una pariga de mesis fait at tirau una fotografia a s'economia de sa Sardinnia, castiendi comenti fiat inghitzau su 2013 cunformas a su 2012, prus che totu po su chi fait a cumprendiri castiendi dae sa contabilidadi de is bancas, faendi a biri cali funt is cosas prus malas dae innoi a inantis e circhendi de fai a cumprendiri comenti issus funt cumbatendi sa crisi.

In su 2012, sa Sardinnia at biu caladas is cosas chi prus tiraant s'economia :

- s'atividadi de is impresas industrialias;

- s'atividadi edili (prus pagu domus circadas e prus pagu dinari publicu); 

- su tanti domandau dae su mercau italianu;

- su setori de su turismu.

Su presidenti de s'ABI de sa Sardinnia, Giuseppe Cuccurese, at duncas scoviau cali funt is numerus de is bancas in Sardinnia :

- 27 bancas diferentis;
- 673 sportellus;
- 757 bancomat (ATM);
- 37222 POS in butega.

Is prestidus fatus a is chi produsint (famillias puru) funt stetius de 12,4 miliardus de € a martzu de su 2013 (su 4,4% in mancu de su 2012).

Is prestidus fatus a is chi consumant (famillias) funt stetius pagu prus de 10 miliardus de € (su 2,2% in mancu de su 2012).

Custu, aciuntu a sa crisi economica chi comenti aeus nau pagu fait puru in Sardinnia scudit a forti, at portau a fai cresciri su tanti de is suferentzias (prestidus chi est dificili a ndi scabbulliri) a 2,8 miliardus de € chi funt su 10,9% de totus is prestidus.

Invecias a s'imbressi, su dinari incasciau (contus) est cresciu a 21,1 miliardus de € (su 2,5% in prus de su 2012).

Custus numerus aciuntus a ai depiu cungelai is ratas de su mutuo po unas cantu famillias (1133, moratoria mutui) amostrat cantu sa cosa siat bessendi grai.


Po ndi sciri de prus
ABI Sardegna: economia regione debole, produttività e credito ne risentono
Giuseppe Cuccurese incontra i giornalisti e segnala la stasi della produzione industriale - SardiNews