Stòria de unu nùmeru : s'inflatzioni a sa moda neozelandesa.
Una de is cosas chi spantant de prus de s'economia, est ca parrit chi apat ghetau fundatzionis a pitzus de unu pillu de nùmerus ammaiaus, chi no si cumprendit beni dae abini ndi stupant, ma prus che totu po ita est chi tèngiant totu custu poderi. No est comenti e chi siaus chistionendi de su π (ca si ballit 3,14 po calincuna cosa at a èssiri), sa chistioni innoi est prus annapada meda.
Su 60% de depidu, su 3% de deficit, su 2% de inflatzioni, tanti po nd'arremonai calincunu, dae abini ndi funt bessius? Est craru ca onniunu de cussus nùmerus tenit sa stòria sua e gràtzias a
Don Brash (unu bancheri chi ghiàt sa New Zealand Kiwifruit Authority) bessit su guvernadori de sa banca tzentrali neozelandesa (Reserve Bank of New Zealand). Fiat su 1988 e is neozelandesus iant atraessau 20 annus de inflatzioni meda e de crescina pagu.
Su guvernadori chi arrenniàt in antis de Don Brash, iat fatu una surra de trabballu po circai de poderai s'inflatzioni bàscia e po ndi stesiai su fai de sa banca tzentrali dae is dengus de is polìticus, ma no nci dda iat picigada a furriai a lei totu su chi iat fatu, a manera chi sa banca tzentrali aessat potziu trabballai sèmpiri cun s'indipendèntzia cosa sua. E duncas est po cussu chi iant nàsciu sa lei de su 1989 (Reserve Bank Act), po fai bèssiri indipendenti sa banca tzentrali neozelandesa, faendi a manera chi totu su trabballu chi faiat aessat tentu unu pensamentu sceti : a poderai is prètzius.
David Caygill (ministru de is fiantzas neozelandesas in cussus annus) dd'at nau craru ca a poderai is prètzius no fiat sa cosa chi ddus impensamentàt de prus, ma ca, o a una manera o a s'àtera, nci dda depiant fai a segai is cadenas chi poderànt sa banca tzentrali acapiada a sa politica. E duncas cali mellus manera de ndi dda scapiai (lassendi-ddi su poderi de manixai interessus e totu cantu) po dda fai cùrriri a palas de is prètzius?
A fai cuncordai totus is partidus a pitzus de custa cosa, mancu nau si bolit, fiat trabballosu, ca medas polìticus e puru is sindacaus si timiant (e teniant fintzas arrexoni) ca totu custu atropèliu po poderai is prètzius, arriscàt de fai abarrai genti mede sene trabballu. Ma a sa fini sa lei dd'ant fata.
E fata sa lei, ammancàt una cosa perou.
Sa banca tzentrali neozelandesa immoi fiat lìbbera de fai su chi boliat po poderai firmu a unu tanti su chi cresciant is prètzius dae unu annu a s'àteru, ma custu tanti cantu fiat? 0%? 2%? 5%?
Custu pensamentu a Brash e Caygill si ndi ddus iat tirau Roger Douglas (ministru de is fiantzas in New Zealand in antis de Caygill) chi in sa televisioni iat nau ca sicomenti ca s'inflatzioni no fiat cosa bella, issu iat a ai circau de dda poderai intra su 0% e su 1%.
A Brash e Caygill su nùmeru ddis fiat praxu e totu, ma arriscàt de ddis lassai tropu pagu tretu po arrangiai is cosas si aessat serbiu a murigai e duncas dae 1 est bessiu pagu prus : 2.
Alloddu, fiat nasciu su 2% de inflatzioni che mira po sa polìtica monetària.
Su chi at acuntèssiu a pustis est bessiu stòria.
In nisciuna parti de su mundu, in cussas diis, ndi iant chistionau de custa cosa (giornalis, televisionis, arràdius), ma is bancheris stràngius ant inghitzau a pagu a pagu a si interessai a custu gioghiteddu chi fiant faendi is neozelandesus.
In cussu tempus s'idei chi una banca tzentrali aessat potziu nai ca fiat interessada a fai totu su chi podiat po poderai firmus is prètzius po no ddus fai crèsciri prus de unu tanti, fiat unu paghiteddu stramba.
Ma, che una arratza de marzina, su dd'ai nau sceti ca sa banca tzentrali iat a ai fatu a castiadori a sa crescina de is prètzius, po dda poderai asuta de su 2%, iat inghitzau a fai arrexonai a totu sa genti de s'economia neozelandesa comenti e chi fessat una cosa chi iat a èssiri andada aici a beru e in pagu tempus s'inflatzioni iat finiu po s'aparixai a sola (7,6% a sa fini de su 1989 candu fiat intrada sa lei, 2% in su 1991).
Su guvernadori chi arrenniàt in antis de Don Brash, iat fatu una surra de trabballu po circai de poderai s'inflatzioni bàscia e po ndi stesiai su fai de sa banca tzentrali dae is dengus de is polìticus, ma no nci dda iat picigada a furriai a lei totu su chi iat fatu, a manera chi sa banca tzentrali aessat potziu trabballai sèmpiri cun s'indipendèntzia cosa sua. E duncas est po cussu chi iant nàsciu sa lei de su 1989 (Reserve Bank Act), po fai bèssiri indipendenti sa banca tzentrali neozelandesa, faendi a manera chi totu su trabballu chi faiat aessat tentu unu pensamentu sceti : a poderai is prètzius.
David Caygill (ministru de is fiantzas neozelandesas in cussus annus) dd'at nau craru ca a poderai is prètzius no fiat sa cosa chi ddus impensamentàt de prus, ma ca, o a una manera o a s'àtera, nci dda depiant fai a segai is cadenas chi poderànt sa banca tzentrali acapiada a sa politica. E duncas cali mellus manera de ndi dda scapiai (lassendi-ddi su poderi de manixai interessus e totu cantu) po dda fai cùrriri a palas de is prètzius?
A fai cuncordai totus is partidus a pitzus de custa cosa, mancu nau si bolit, fiat trabballosu, ca medas polìticus e puru is sindacaus si timiant (e teniant fintzas arrexoni) ca totu custu atropèliu po poderai is prètzius, arriscàt de fai abarrai genti mede sene trabballu. Ma a sa fini sa lei dd'ant fata.
E fata sa lei, ammancàt una cosa perou.
Sa banca tzentrali neozelandesa immoi fiat lìbbera de fai su chi boliat po poderai firmu a unu tanti su chi cresciant is prètzius dae unu annu a s'àteru, ma custu tanti cantu fiat? 0%? 2%? 5%?
Custu pensamentu a Brash e Caygill si ndi ddus iat tirau Roger Douglas (ministru de is fiantzas in New Zealand in antis de Caygill) chi in sa televisioni iat nau ca sicomenti ca s'inflatzioni no fiat cosa bella, issu iat a ai circau de dda poderai intra su 0% e su 1%.
A Brash e Caygill su nùmeru ddis fiat praxu e totu, ma arriscàt de ddis lassai tropu pagu tretu po arrangiai is cosas si aessat serbiu a murigai e duncas dae 1 est bessiu pagu prus : 2.
Alloddu, fiat nasciu su 2% de inflatzioni che mira po sa polìtica monetària.
Su chi at acuntèssiu a pustis est bessiu stòria.
In nisciuna parti de su mundu, in cussas diis, ndi iant chistionau de custa cosa (giornalis, televisionis, arràdius), ma is bancheris stràngius ant inghitzau a pagu a pagu a si interessai a custu gioghiteddu chi fiant faendi is neozelandesus.
In cussu tempus s'idei chi una banca tzentrali aessat potziu nai ca fiat interessada a fai totu su chi podiat po poderai firmus is prètzius po no ddus fai crèsciri prus de unu tanti, fiat unu paghiteddu stramba.
Ma, che una arratza de marzina, su dd'ai nau sceti ca sa banca tzentrali iat a ai fatu a castiadori a sa crescina de is prètzius, po dda poderai asuta de su 2%, iat inghitzau a fai arrexonai a totu sa genti de s'economia neozelandesa comenti e chi fessat una cosa chi iat a èssiri andada aici a beru e in pagu tempus s'inflatzioni iat finiu po s'aparixai a sola (7,6% a sa fini de su 1989 candu fiat intrada sa lei, 2% in su 1991).
Castiai sa figura asuta, sa lìnia a colori prus càrrigu ammostrat comenti funt andaus is prètzius dae su 1980 a su 2012 in New Zealand, is àteras duas invècias funt po is prètzius de Canada e USA.
Brash comenti e chi fessit unu maiàrgiu, at inghitzau a fai scola a totu su mundu, cun is àterus stadus chi no acudiant sighendi-ddu (cun Canada, Svetzia e UK a primu puba) scapiendi is cadenas a is bancas tzentralis issoru in su mentris chi ddis donànt su trabballu de poderai is prètzius.
E prus is stadus imprassànt sa moda neozelandesa, prus sa chistioni si trebeddàt, ca po calincunu su 2% inghitzàt a pàrriri fintzas tropu (po nai, Paul A. Volcker e Alan Greenspan, chi funt stètius ambaduus presidentis de sa banca tzentrali USA, sa FED, narànt ca fiat mellus a poderai s'inflatzioni aici bàscia de no èssiri nimancu carculada candu is impresas sceberànt su de fai, duncas dae su 0% a su 0,5% o totu a su prus, su 1%).
E comenti una grefa de economistas e bancheris circàt de carriai su fosili a balla sola contras a s'inflatzioni, aici un'àtera ghenga inghitzàt a pensai (e a nai) ca forsis a poderai unu paghiteddu de inflatzioni, mali mali non iat a ai fatu ca, candu s'economia nci atzuvat, s'inflatzioni axudàt a ddi lùngiri is arrodas e lassat prus poderi a is bancas tzentralis po aconciai is cosas (ca podint manixai is interessus). De custa genti, sa chi parriat prus secura de su chi fiat narendi fiat Janet L. Yellen, chi in cussus tempus trabballàt in sa FED e immoi ddoi cumandat pròpriu, ca est bessida presidenti ocannu passau.
E duncas, a una parti tirànt po spèrdiri s'inflatzioni, a s'àtera tirànt po ndi poderai unu paghiteddu e torra sa mellus cosa est parta a poderai su 2% che arrègula, nùmeru chi at acabbau de spainai in totu su mundu comenti e chi fessit cussu giustu.
Immoi sa chistioni est torrendi-si-ndi a strantaxai.
E si serbiat a ndi poderai de prus de inflatzioni?
E si po 27 annus aeus postu menti a genti chi nd'at bogau unu nùmeru a insertidu chi invècias no bolit nai nudda e chi est capassu chi fatzat dannu meda?
E prus is stadus imprassànt sa moda neozelandesa, prus sa chistioni si trebeddàt, ca po calincunu su 2% inghitzàt a pàrriri fintzas tropu (po nai, Paul A. Volcker e Alan Greenspan, chi funt stètius ambaduus presidentis de sa banca tzentrali USA, sa FED, narànt ca fiat mellus a poderai s'inflatzioni aici bàscia de no èssiri nimancu carculada candu is impresas sceberànt su de fai, duncas dae su 0% a su 0,5% o totu a su prus, su 1%).
E comenti una grefa de economistas e bancheris circàt de carriai su fosili a balla sola contras a s'inflatzioni, aici un'àtera ghenga inghitzàt a pensai (e a nai) ca forsis a poderai unu paghiteddu de inflatzioni, mali mali non iat a ai fatu ca, candu s'economia nci atzuvat, s'inflatzioni axudàt a ddi lùngiri is arrodas e lassat prus poderi a is bancas tzentralis po aconciai is cosas (ca podint manixai is interessus). De custa genti, sa chi parriat prus secura de su chi fiat narendi fiat Janet L. Yellen, chi in cussus tempus trabballàt in sa FED e immoi ddoi cumandat pròpriu, ca est bessida presidenti ocannu passau.
E duncas, a una parti tirànt po spèrdiri s'inflatzioni, a s'àtera tirànt po ndi poderai unu paghiteddu e torra sa mellus cosa est parta a poderai su 2% che arrègula, nùmeru chi at acabbau de spainai in totu su mundu comenti e chi fessit cussu giustu.
Immoi sa chistioni est torrendi-si-ndi a strantaxai.
E si serbiat a ndi poderai de prus de inflatzioni?
E si po 27 annus aeus postu menti a genti chi nd'at bogau unu nùmeru a insertidu chi invècias no bolit nai nudda e chi est capassu chi fatzat dannu meda?
Po ndi sciri de prus
Of Kiwis and Currencies: How a 2% Inflation Target Became Global Economic Gospel - Neil Irwin
Stòria de unu nùmeru : s'inflatzioni a sa moda neozelandesa.
Reviewed by Andrea Maccis
on
17:06
Rating:
Reviewed by Andrea Maccis
on
17:06
Rating:
Nessun commento: