S'omini economicu : dicius e fueddus de is antigus po imparai s'economia.

Sa genti in onnia logu, tenit sa manera sua de biri su mundu, ddu scieus. E prus che totu, candu su populu est antigu, nci dda faeus a dda cumprendiri ligendi-ddu me is libbrus chi at lassau. O, si non s'agatat cosa scrita, me is dicius e me is maneras de nai is cosas, chi puru candu is linguas funt prus mortas che bias, funt malus a sperdiri.

Custa chistioni ballit po is sardus e s'economia. 

Libbrus de economia, is antigus non nd'ant lassau (a su mancu, chi si scipiat) ma sa manera issoru de pensai s'economia nosi dd'ant lassada e totu. E non est una bisura primitiva, comenti si iat a podiri pensai, ma arricit beni beni totus is fundorius de su capitalismu e cussus de s'economia classica, fintzas a nosi axudai a cumprendiri ca s'idei de homo oeconomicus (s'omini chi sciit su chi depit fai po fai s'interessu suu) esistiat puru innoi, ma sene si ndi scaresciri nimancu de s'amigantzia e de sa solidariedadi.

Andaus a biri.

Is arrespramius.

Chini papat e allogat, bogat sa mesa duas bortas.

Beneditu dinari chi torrat a domu.

Su poderi de su dinari.

Su dinari fait andai s'acua punta a susu.


Fai a dinari is cosas de sa vida.

E ita funt custus tres arrialis de pregontu?

Non tenit nimancu acua in sa mariga.

Non portat nimancu su dinari po fai baddai una martinica.

Abbritiu.

Arriu chi currit non pudescit mai.

Chini non podit messai, spigat.

Dae su pagu pagheddu, dae su meda nudda.

A s'ogu chi biit, tocat a ddi donai luxi.


Interessus.

Buddat beni sa pingiada mia.

In tempus de figu, foras de amigu.

Chini donat prangiu abetat cena.

Po chi s'amigantzia si mantengiat, unu pratixeddu chi andit e unu chi bengiat.


Solidariedadi.

In su buconi pratziu s'angiulu si ddoi seit.